NASKAH
DRAMA BAHASA SUNDA
“Kabayan
Ngala Nangka”
Anggota Kelompok :
·
Ariadi Gusman
·
Muhamad Prabowo
·
Pajar Pauji R
·
Tiah
·
Tito Munawar
Kabayan Ngala Nangka
Nyi Iteung, pamajikanana Kabayan teh nuju hamil ngora. Manehna teh ngidam
hoyong pisan Nangka, tapi si Kabayan nu dasarna kebluk, tara daek ngala Nangka.
Dina hiji isuk, Iteung nyamperkeun Kabayan nu keur sasarean di bale hareupeun
imah.
Iteung : (Ngagangguan Kabayan) Kang, hayu atuh
pang alakeun Nangka kanggo Iteung!
Kabayan : (Melek hiji soca, langsung sare deui) Haduh, Nyai, engke weh nya, isukan.
Akang teh tunduh keneh!
Iteung : (Ngambek) Huh, si Akang mah teu nyaah ka Iteung!
Kabayan : (Ngorok)
Saking keheulna, Nyi Iteung angkat ka bumi emakna Kabayan. Sanepina di bumi
emakna Kabayan.
Iteung : (Lumpat sabari ceurik langsung nangkeup
emak) Emaaakkkkk....
Emak Kabayan : (Reuwas) Eleuh-eleuh, aya naon ieu,
Nyai?
Iteung : Eta, Ma! Si Kabayan! Kuring teh ngidam, hoyong pisan Nangka, tapina
manehna tara daek pangalakeun!
Emak Kabayan : Geus tong ceurik atuh! Keun weh,
Emak nu ngomong ka si Kabayan!
( Emak sareng Iteung balik ka imah Kabayan.
Sanepina di imah Kabayan, Emak sareng Iteung ningali Kabayan nu sare keneh dina
bale. )
Emak Kabayan : Heh! Kabayan, kebluk! Hudang sia!
Kabayan : Naon sih mak? Isuk-isuk geus
adat-adatan!
Emak Kabayan : Maneh teh kumaha sih! Geus nyaho si
Iteung keur hamil, ngidam Nangka! Lain mah
diturutkeun kahayangna! Malah gogoleran teu puguh!
Kabayan : Heueuh mak, sakedeung deui
dipangalakeun!
Emak Kabayan : Buru! Ayeuna geura mangkat neangan
Nangka! Nu kolot nya, Nangkana!
Kabayan : (Hudang) Heueuh! Kuring mangkat ayeuna
lah!
(Kabayan mangkat neangan Nangka. Tapi
Kabayan teu terang, tangkal Nangka nu keur buahan teh dimana. Sapanjang jalan,
manehna luak-lieuk neangan Nangka. Akhirna manehna manggih hiji tangkal Nangka
nu buahna leubeut.)
Kabayan : Hahhh! Akhirna kuring manggihan Nangka!
Karolot deui Nangkana!
( Kabayan langsung naek ka tangkal Nangka
nyokot hiji Nangka nu pang kolotna. Teu lila anu boga kebon datang. Kabayan
langsung turun ti tangkal Nangka.)
Kabayan : Haduh kumaha ieu! Ki Ndit datang! Mana kacida galakna deui!
(Kabayan lumpat ka ragasi nu aya di
tukangeun kebon. Kabayan malidkeun eta Nangka.)
Kabayan : Nangka, jung balik tiheula nya! Kuring
rek kabur heula!
(Nangka teh kabawa palid ku cai, teu lila,
nu boga kebon datang.)
Ki Ndit : Heh!
Sia keur naon di kebon aing! Maneh rek maling?
Kabayan : Henteu Ki.
Ki Ndit : Ah sia! Alesan wae! Ngaku weh ari rek
nyopet mah!
Kabayan : Bener Ki, teu bohong!
Ki Ndit : Demi naon sia, Kabayan?
Kabayan : Demi Nyi Iteung, Aki!
Ki Ndit : Alah, sia! Nyopet mamawa ngaran pamajikan! Hayu milu jeung urang! Urang
ka imah Pa RT!
(
Eh teu lila teh torojol deuih Pa RT ti tukangeun )
Pa RT : Aya naon iyeu teh mamawa ngaran
kuring ?
Ki Ndit : Kieu Pa RT , si kabayan teh maling nangka kuring.
Pa RT : Bener eta the kabayan ? (Bari nyentak)
Ki Ndit : Sok siah jujur kabayan. Mun maneh
teu jujur, bobogaan maneh burut. Daek ?
Kabayan : Duh, Aki! Ulah atuh! Bener abdi teh teu nyopet! Sok mana
barang buktina!
Pa RT : Sok geura ki , pariksaan tah
sikabayan.
Aki Ndit : (Mariksa
Kabayan) Heueuh geuning, euweuh! (Bari gagaro teu ateul)
Pa RT : Aduuh ari si aki . Mantakna tong
sok nuduh heula mun can aya barang bukti mah
Geus ah kuring
rek balik heula.
Aki Ndit :
Jug geura mangkat maneh !! Ulah balik deui kadieu , nyieun jangar sirah weh
maneh mah .
Kabayan : (Lumpat) Dadah, Aki Ndit !!
(Kabayan balik ka imahna. Dipapag ku Emak
jeung Iteung.)
Iteung : Euleuh, akang! Tos dongkap?
Emak Kabayan : Meunang teu Nangka teh?
Kabayan : Meunang atuh, mak! Kolot jeung gede
deuih!
Iteung : Mana atuh Nangkana, Kang?
Kabayan : Hoh? Can nepi eta Nangka?
Emak Kabayan : Hah? Nepi kumaha, Kabayan?
Kabayan : Si Nangka teh dipalidkeun, dititah balik tiheula ku kuring! Geuningan can
nepi? Apan eta Nangka teh tos kolot, piraku teu nyaho jalan balik!
Iteung : Heueuh nya, Kang! Eta Nangka teh geuning
teu nyaho jalan balik!
Emak Kabayan : Ari sia! Ku belet-belet teuing,
Kabayan! Maenya Nangka bisa balik sorangan! Teu hideng!
Kabayan : Yeuh, si Nangka nu teu hideng mah, Mak!
Emak Kabayan : Hah, ngimpi naon, kuring teh boga
anak belet kos sia!
(Emak langsung mangkat. Kabayan sareng
Iteung, ngantosan eta Nangka di sisi ragasi, tapi Nangkana teu datang-datang.)
Postingan
